Qarabağ Dirçəliş Fondunun təşəbbüsü və təşkilatçılığı ilə keçirilən “Dirçəliş Kuboku” xeyriyyə minifutbol turniri davam edir.
Bu gün yeddinci turun oyunları çərçivəsində A qrupunda yer alan SOCAR komandası Müasir Təhsil Kompleksinin “MTK Wolves” kollektivi ilə üz-üzə gəlib. Yasamal rayonundakı “Sportster” minifutbol meydançasında baş tutan matçda SOCAR komandası rəqibi üzərində 11:0 hesablı qələbə qazanıb və turnir cədvəlindəki liderliyini bir qədər də möhkəmləndirib.