“Neftçi İdman Klubu”nun muzeyi inzibati binanın giriş hissəsində yerləşir. Muzey çox zəngindir. Burada klubun idmançılarının qazandıqları çoxsaylı kubok və mükafatlar yer alıb. Gözəlliyi və zənginliyi ilə zövq oxşayan muzeyi ümummilli lider Heydər Əliyevin və onun layiqli davamçısı, idmançılara daim diqqət və qayğı göstərən Azərbaycan Respublikasının dövlət başçısı, Milli Olimpiya Komitəsinin prezidenti İlham Əliyev cənablarının idmançılarımızla birlikdə çəkdirdikləri, eləcə də klubun idmançılarının müxtəlif beynəlxalq yarışlarda çəkilmiş fotolarından ibarət fotoqalereya bəzəyir.