Almaniyanın Paderbom şəhərində sudo idman növü üzrə 13-cü dünya çempionatı keçirilib. Mundialda 85 ölkənin idmançıları qalib adı uğrunda mübarizə aparıb.
“Neftçi” İdman Klubunun karate üzrə məşqçi-müəllimi Sədi Namazov yarışda əzmkarliq nümayiş etdirərək böyük uğura imza atıb. Təmsilçimiz ardıcıl beş döyüşü qələbə ilə başa vuraraq finala yüksəlib. O, qızıl kəmər uğrunda həlledici qarşılaşmada isveçli Koroş Dorodsonla üz-üzə gəlib. Rəqibi üzərində inamlı qələbə qazanan Sədi Namazov qızıl medala və kəmərə sahib çıxıb.
