Güllə atıcılığı üzrə keçirilən Bakı kubokuna yekun vurulub.

Bakı Atıcılıq Mərkəzində baş tutan yarışda “Neftçi” İdman Klubunun təmsilçiləri pnevmatik tapançadan (PTÇ-3) 10 metr məsafəyə atəşaçmada 3 qızıl medal qazanıblar.

İdmançılarımızdan Vladislav Kalmıkov (577 xal) və Leyli Əliyeva (563 xal) fərdi yarışlarda inamla çıxış edərək fəxri kürsünün ən yüksək pilləsinə qalxıblar. Vladislav Kalmıkov qarışıq komanda yarışında da eyni uğura imza atıb və qızıl medala sahib olub.