“Neftçi” İdman Klubunun təmsilçisi Ağanəzər Novruzov Qazaxıstanın paytaxtı Astanada keçirilən sərbəst güləş üzrə “Güləş ulduzları liqası”nda qızıl medala sahib olub. Yetmiş dörd kiloqram çəki dərəcəsində mübarizə aparan idmançımız bütün rəqiblərini üstələyərək finala qədər irəliləyib. Ağanəzər Novruzov həlledici qarşılaşmada özbəkistanlı Mirzo Xaitova 4:1 hesabı ilə qalib gəlib və fəxri kürsünün ən yüksək pilləsinə qalxıb.