Bu gün futzal üzrə Yüksək Liqada VIII turun oyunları keçirilib.
“Neftçi” bu turda “Yasamal Bakı” komandası ilə qarşılaşıb. “Olimpik Star”da reallaşan görüş Bakı-Qroznı reysini yerinə yetirən “Azərbaycan Hava Yolları”na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar bir dəqiqəlik sükutla başlayıb. Matç “Neftçi”nin aşkar üstünlüyü şəraitində keçib və təmsilçimizin böyükhesablı qələbəsi ilə bitib – 18:1.