Azərbaycan Basketbol Liqasında IX turun oyunları davam edir.
A qrupunda yer alan “Neftçi” basketbol komandası bu turda “Sərhədçi” ilə qarşılaşıb. “Sərhədçi” İdman Mərkəzində keçirilən oyun”Azərbaycan Hava Yolları” aviaşirkətinə məxsus təyyarənin Qazaxıstanın Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar bir dəqiqəlik sükutla başlayıb. Gərgin mübarizə şəraitində keçən matçda komandamız rəqibi üzərində 77:65 (19:12, 20:19, 15:17, 21:17) hesablı qələbə qazanıb.
