Bu gün futbol üzrə Birinci Liqada XI turun oyunları keçirilib.
“Qaradağ Lökbatan” tur çərçivəsində “Zaqatala” ilə üz-üzə gəlib. Lökbatan qəsəbəsindəki Qaradağ Təlim-İdman Bazasının stadionunda təşkil olunan matç gərgin mübarizə şəraitində keçib. Zədəli futbolçuların çox olmasına baxmayaraq, komandamız sona qədər əzmkar oyun nümayiş etdirib. Təmsilçimiz görüşün əsas vaxtını 1:0 hesabı ilə öndə başa vursa da, təəssüf ki, əlavə olunmuş vaxtda qələbəni əldən verib və qarşılaşma 1:1 hesablı heç-heçə ilə sona yetib.
Komandamızın heyətində oyunun altmışıncı dəqiqəsində Fərid Mahmudov fərqlənib.
