Futbol üzrə Birinci Liqada IX turun oyunlarına start verilib.
“Qaradağ Lökbatan” bu turda MOİK-i qəbul edib. Lökbatan qəsəbəsindəki Qaradağ Təlim-İdman Bazasının stadionunda keçirilən qarşılaşma təmsilçimizin aşkar üstünlüyü şəraitində keçib və Amit Quluzadənin rəhbərlik etdiyi kollektiv rəqib üzərində böyükhesablı qələbə qazanıb – 3:0.
Komandamızın heyətində Fərid Mahmudov dubl (42′, 85′) edib. Yetmiş səkkizinci dəqiqədə isə Samir Qurbanov adını tabloya yazdırıb.
