Voleybol üzrə “Yaşıl dünya naminə həmrəylik ili” çərçivəsində təşkil olunan ölkə kubokunda kişi voleybolçuların mübarizəsinə start verilib.
Yarışın ilk günündə A qrupunda yer alan “Neftçi” “Gənclər” komandası ilə üz-üzə gəlib. Gənclər və İdman Nazirliyinin Voleybol Mərkəzində baş tutan oyun təmsilçimizin aşkar üstünlüyü şəraitində keçib və komandamızın 3:0 (16:25, 12:25, 10:25) hesablı qələbəsi ilə yekunlaşıb.
