Xəbərlər


Neftçi İdman Klubunun yetirməsi Tbilisidə qızıl medal qazandı

Gürcüstanda keçirilən Tbilisi-2015 XIII Avropa Gənclər Olimpiya Festivalı davam edir.

Tbilisi Cüdo Akademiyasında təşkil olunan adıçəkilən növ üzrə yarışlarda "Neftçi İdman Klubu”nun yeniyetmə təmsilçisi Şəfəq Həmidova (40 kq) keçirdiyi 3 görüşün hamısından qalib ayrılaraq finala vəsiqə qazanıb. Həlledici mərhələdə rusiyalı Anastasiya Kuterina üzərində inamlı qələbə qazanan cüdoçumuz qızıl medala sahib olub.

Qeyd edək ki, Şəfəq Həmidova XIII Avropa Gənclər Olimpiya Festivalında cüdoçular arasında qızıl medal qazanan ilk idmançı kimi adını tarixə yazdırıb.

Neftçi İdman Klubunun yetirməsi  Tbilisidə qızıl medal qazandı