Xəbərlər


“Təxti Kuboku”ndan 2 medal

İranın paytaxtı Tehranda böyüklər arasında sərbəst və yunan-Roma güləşi üzrə ənənəvi "Təxti Kuboku” beynəlxalq turniri keçirilib.

Turnirdə həm sərbəst, həm də yunan-Roma güləşi üzrə yığma komandamızın üzvləri mübarizə aparıblar. Güləşçilərimiz turnirin 2 medalına sahib olublar.

Fərəhli haldır ki, qazanılan medalların hər ikisi "Neftçi İdman Klubu”nun təmsilçilərinə məxsusdur. Yunan-Roma güləşçilərimizdən Sakit Quliyev (59 kq), sərbəst güləşçilər arasında isə Mircəlal Həsənzadə (57 kq) turnirin bürünc medallarına yiyələniblər.