AFFA-nın təşkilatçılığı ilə keçirilən U-17 Azərbaycan çempionatında dördüncü turun oyunlarına yekun vurulub.
Bu tur çərçivəsində "Neftçi" İdman Klubunun on yeddi yaşlılardan ibarət futbol komandası "Zirə" ilə üz-üzə gəlib. Bakı Ali Neft Məktəbinin stadionunda gerçəkləşən matçda təmsilçimiz rəqibinə 1:0 hesabı ilə qalib gəlib. Qarşılaşmanın taleyini həll edən yeganə qola futbolçumuz Elmir Əkbərov imza atıb.
Xatırladaq ki, bu mövsüm məğlubiyyət tanımayan komandamız indiyədək iki görüşdə qələbə qazanıb, iki oyunda isə heç-heçə edib.
