Xəbərlər


Kiçikyaşlı futbolçularımız Kobuletidə

"Neftçi İdman Klubu”nun Siyəzən rayonunda fəaliyyət göstərən on iki yaşadək futbolçulardan ibarət komandası fevralın 18-dən 26-dək Gürcüstanın Kobuleti şəhərində təlim-məşq toplanışında olub.

Kiçikyaşlı futbolçularımız toplanış müddəti ərzində paralel olaraq dörd yodaşlıq görüşündə güclərini sınayıblar. Komandamız yerli "Şukura” ilə qarşılaşmadan 2:2 hesablı bərabərliklə ayrılıb. "Kobuleti” komandasını 4 cavabsız qolla yenən Elçin Ağayevin yetirmələri "Bakuri” klubunu da məğlubiyyətə uğradıblar–7:3. Sonuncu görüşdə təmsilçimiz Kobuleti şəhərinin yığma komandası ilə üz-üzə gəlib və rəqibi üzərində 3:2 hesabı ilə qələbə qazanıb.