Xəbərlər


Azərbaycan Cüdo Federasiyası “Neftçi İdman Klubu”na lisenziya təqdim etdi

Azərbaycan Cüdo Federasiyası son vaxtlar bir çox məsələlərlə bağlı gördüyü işləri sürətləndirməkdədir. Respublikamızın müxtəlif bölgələrində müasir cüdo məşq zallarının açılıb istifadəyə verilməsi, perspektivli cüdoçuların aşkar olunması və onlara lazımi şəraitin yaradılması prosesi mütəmadi olaraq davam etdirilir.

Bununla yanaşı, federasiyanın qarşısında duran prioritet məsələlərdən biri də ölkədə cüdo klubları və idman təşkilatlarının nəzdində olan cüdo bölmələrinin qeydə alınması və onlara lisenziyaların verilməsi idi. Bu gün Azərbaycan Cüdo Federasiyasında bu mövzuya həsr olunmuş tədbir keçirildi. Quruma 70-dən çox müraciət olunsa da, onlardan standartlara cavab verdiyinə görə 56-na lisenziya təqdim olundu. Klub və təşkilat nümayəndələrinin iştirakı ilə gerçəkləşən tədbirdə gələcəkdə standartlara cavab verən qurumlara lisenziyaların verilməsinin davam etdiriləcəyi qeyd olundu.

Lisenziya klub və təşkilatlara 5 il müddətinə verilir. Bu da onlara həmin vaxt ərzində Azərbaycan Cüdo Federasiyasının bayrağı altında keçirilən bütün yarışlarda iştirak etmək hüququ verir.

Tədbirdə çıxış edən nümayəndələr lisenziyalaşdırma proqramının həyata keçirilmə qaydalarından razı qaldıqlarını və bu vacib işə görə federasiya rəhbərliyinə minnətdarlıqlarını bildirdilər. O da vurğulandı ki, müstəqillik illərində klub və təşkilatların rəsmi olaraq qeydiyyata alınması və onlara müvafi q lisenziyaların təqdim olunması bir ilkdir. Təbii ki, belə düşünülmüş, məqsədyönlü addımların atılması Azərbaycan cüdosunun daha da sürətlə inkişaf etməsinə təkan verəcəkdir.

Azərbaycan Cüdo Federasiyasının qarşıya qoyduğu bütün tələblərə cavab verən və bu idman növünün inkişaf etdirilməsində misilsiz xidmətləri olan "Neftçi İdman Klubu”na da lisenziya təqdim olundu. Təbii ki, lisenziyanın əldə olunması klubumuz üçün çox önəmlidir və bu, gələcəkdə daha böyük uğurların əldə olunması yolunda cüdoçularımıza əlavə stimul verəcəkdir.
Azərbaycan Cüdo Federasiyası “Neftçi İdman Klubu”na lisenziya təqdim etdiAzərbaycan Cüdo Federasiyası “Neftçi İdman Klubu”na lisenziya təqdim etdiAzərbaycan Cüdo Federasiyası “Neftçi İdman Klubu”na lisenziya təqdim etdi