Serbiyanın paytaxtı Belqradda gənclər arasında taekvondo üzrə "Serbia Open” beynəlxalq turniri keçirilib. G1 kateqoriyalı yarışda Azərbaycan yığma komandası 12 idmançı ilə təmsil olunub. Milli komandamız turnirin 1 qızıl, 3 gümüş və 2 bürünc medalına sahib olub.
"Neftçi İdman Klubu”nun yığmanın heyətində yer almış taekvondoçusu Ələsgər Əliyev (68 kq) finala qədər irəliləməyə nail olub. Həlledici mərhələdə məğlub olan idmançımız "Serbia Open” turnirinin gümüş medalına yiyələnib.
